أسرار بنة الكسكس و كيفاش نحصل على مرقة خاترة
باش تحصلي على مرقة خاترة و كسكس رطب اقدم لك سيدتي اربع اسرار تخلي الكسكس ديالك روعة من ناحية الشكل و كذلك المذاق
السر الأول :كنقليو اللحم و البصلة و العطرية مزيان حتى كطيح البصلة , كلما تقلاو هاد العناصر مع بعضهم كتركز بنة اللحم ديالنا في المرقة
السر الثاني: نضيف ماطيشة مقطعة مربعات على البصلة بعد ما تدبال و نتركها حتى تذوب مزيان , و كل ما كانت ماطيشة كثيرة كل ما كانت المرقة خاترة اكثر
السر الثالث: نترك الفورة الاولى تاخد وقتها مزيان باش يشرب الكسكس الماء مزيان , لان الكسكس كلما كان رطب كتزيد البنة ديالو
السر الرابع: لتحصلي على مرقة خاترة استعملي قطعة من الكرعة محكوكة من اوال الطياب , او استعملي خليط ملعقة صغيرة من النشا او الدقيق و كاس ماء في الفورة ما قبل الاخيرة
ليست هناك تعليقات